طريقة إعداد الرفيسة المغربية

نرجعو لتقاليد الأجداد و الأكلات الشعبية المغربية، حيث اليوم بغيت نقدم ليكم الرفيسة المغربية لكلشي كيبغيها، باش كولشي يتعلم ليها راه ساهلة ما فيها تا شي صعوبة.

مقادير الرفيسة المغربية  

مقادير مرق الرفيسة

- دجاجة
- 4  بصلات مقطعين
- ابزار
- ملح
- خرقوم
- سكينجبير
- 4 فصوص ثوم
- زيت الزيتون
- 1 كاس من العدس
- 2 معالق من الحلبة
- قزبور و معدنوس
- سمن
-رأس الحانوت

مقادير العجين

- 500 غرام دقيق فرص
- 250 غرام دقيق قمح
- قليل ملح
- ماء

طريقة تحضير مرق الدجاج

نأخد طنجرة نضع فيها كلا من  قطع الدجاج  ، الزيت ، الملح ، إبزار ، سكينجبير ، الثوم و أخيرا السمن و قليلا من الماء ونخلطو المكونات جيدا ونتركه يرتاح قليلا ؛ وبعدها على نار مهيلة نترك الدجاج المشرمل يتشحر قليلا و نحرك من حين لآخر   مع اضافة العدس ، الحلبة ، البصل المفروم ، الزيت، و الماء الكافي للطهي و باقة القزبور و المعدنوس ونغلقها باحكام تطبخ لمدة ساعة تقريبا.

طريقة تحضير المسمن

نخلط الدقيق  و نعجن حتى الحصول على عجينة متماسكة,نغطيها بمنديل و تترك ترتاح قليلا.

بعدها نعمل منها كويرات صغيرة الحجم ،و تطلق كل كويرة من  العجين بمساعدة خليط الزيت و الزبدة للحصول على ورقة رقيقة ثم تطهى في مقلاة بدون دهن واحدة تلو الأخرى إلى آخر كويرة.
ونعود نقطع المسمن إلى شرائط أو قطع حسب الرغبة.

في مرحلة التقديم نضع المسمن في الطبق ويصفف فوقه الدجاج ثم تسقى بالمرق  و تقدم ساخنة .