دجاج معمر ومحمر في الفرن

مقادير دجاج معمر ومحمر في الفرن

- الدجاج (4)
- قزبر و معدنوس مدقوقين

-  شوية السمن حر

-  زعفران زغبة

- شوية بسيبيسة

- ابزار - ملح - خرقوم عواد - سكنجبير

- الثومة مدقوقة

- الحامض مرقد مدقوق

مقادير الحشوة :

- كروفيت

- جزرة منقية و محكوكة غليظة شوية

- قرعة خضرة محكوكة 

- شومبنيو كحل مرطب في الما

- زيتون خضر مقطع

- حامض مرقد مقطع رقيق 

- الشعرية الصينية

- الزبدة

مقادير التخليطة: 

 - مطيشة الحك 

- الهريسة

- قزبر و معدنوس

- عصير الحامض

- صلصة الصوجا

 - ملح

 - ابزار

 - تحميرة

 - كمون 

- سكنجبير

 طريقة تحضير دجاج معمر ومحمر في الفرن

•  ناخد الدجاج نغسلوه و نخليوه ينشف تم نوجدو الشرمولة و  نشرملوه بها مزيان من الداخل و ما بين الجلدة و اللحم و نعملو شقات في اللحم بالسكين تحت الجلدة باش تشرب الشرمولة و نخليوه يرتاح .
•  ناخد الجزر و القرعة و نشحروهم بشوية من التخليطة نحطهم في اناء و نضيفو عليهم الزيتون و الحامض المرقد و الشمبنيو الكحل لي قطعناه صغير و الكرفيت لي حتى هو شحرناه مع التخليطة و الشعرية الصينية لي رطبناها و قطعناها صغيرة نخلط الكل و ندقوه الا ناقصاه العطرية نزيدو شوية من التخليطة. ثم نعمرو به الدجاج و نخيطوه و نربطوه كله باش يبقى مجموع.
• ناخد ورق الألمنيوم و نسرح وسطه ورق الطبخ و نحط الدجاجة الوسط و نسد عليها مزيان نستف الدجاج في اللاطة و ندخله الفرن و نخليه يطيب على خاطره
  

  
•  ملي يطيب نفتح على الدجاجة ندهنها بالموطارد مخلط مع الهريسة و ندخله يتحمر .

          نستفه في طبق التقديق مع االحامض المصير بالصحة و الراحة