مقادير تحضير كريب معمرو مقلي
كل وحدة توجد الكريب اللي كينجحلها المهم هو في الخليط ضيفو 1/2 ليه مكعب كنور مكان الملح كيعطي لذة هائلة وممكن تزيدو شوي ملح الى جاكم ناقص ملح .
المهم المقادير اللي كندير :
- 1/2 لتر حليب
- 3 بيضات
- 1/4 كلغ دقيق
- ملح
- 1/2 مكعب كنور
- 2 معالق كبار زبدة
نخلوه يرتاح نصف ساعة .
مقادير تحضير حشوة كريب معمر و مقلي
- 1/4 كلغ صدر دجاج مقطع صغيييير جدا او حسب الرغبة
- بصلة
- 1 فص ثوم محكوك
- 1 ملعقة كبيرة دقيق
- ورق سيدنا موسى
- شوية زعتر
- 1 كأس حليب
- زيت
- زبدة
- ملح
- فلفل اسود
- جبن سندويش
طريقة تحضير حشوة كريب معمر و مقلي
- في مقلاه ندير الزبدة ذوب هي والزيت ثم نضيف البصلة مشلضة والثوم والملح ونترك الكل يتشحر حتى طيح البصلة ثم نضيف ورقة سيدنا موسى والدجاج ونخلو الكل يتشحر حتى يقرب يطيب الدجاج ثم نضيف الابزار والزعتر ونستمر في التحريك ثم نضيف معلقة الطحين ونحرك بسرعة باش ما يتكور لنا ثم مباشرة نضيف كاس الحليب وننستمر في التحريك على نار مهيلة مدة 5 دقائق حتى يتجمع الخليط قليلا و نزيله.
- نتركها جابنا تبرد ونطيب لي كريب من بعد ناخد حبة واحدة من الكريب نوضع وسطها طرف من فرماج سندويتش وندير ملعقة او 2 من الحشوة حسب حجم الكريب ونعاود نوضع طرف فرماج ثم نسدهم بطريقة المسمن مربعين ونحاول نضغط باش ما تخرج الحشوة ، نكملو الكمية كاملة من بعد نبدا في الطياب ديالهم .
- كاينين 2 طرق اما نشدهم ونديرهم ف الة البانيني مدهونة بالزبدة حتى يتحمرو او ممكن مقلاة ما كتلصق نفس الشي ندهوها بالزبدة ونطيبهم على الجهات ب2 حتى يتحمرو .
- والطريقة الثانية اللي درت انا هي نغطسوهم في بيض مخفوق ثم ندوزهم فلاشابلير ونقليهم . (هاد الطريقة من الاحسن دخليهم الفريكو حتى يجمدو عاد تقليهم في زيت ساااخنة وغير تحطيهم نقصي النار باش ما يتحرقوا من برا ويبقاو نيين من الداخل) هاد الطريقة كتخليهم مقرمشين وايضا كتنفع الى بغيتي تنقصي عليك الخدمة .
- المهم ملي يطيبو نديروهم في ورق الطبخ نحيدو الفائض من الزيت وخا هما كيجو ناااشفين ومافيهم اثر الزيت او بالصحة و الراحة.
للاشارة هاد الوصفة من اعداد الاخت لالة حسناء من الداخلة
